Ang mga kababaihan ay nagsasanay sa pagluluto na pagkain na pam-pamilya, pang-negosyo at para sa iba’t ibang okasyon tulad ng native kakanin, food preservation, at paggawa ng minatamis. Iba’t ibang putahe ang natutunan upang maging malusog ang lahat.

Ang paggawa ng bulaklak, mga glass etchings, stone impressions, needle craft, paper craft, candle making ay ilan lamang sa maraming craft and arts offerings. Nagtuturo din ng paggawa ng giveaways, tokens, gifts at favors para sa anniversaries, birthdays at debuts.

Marami ang may hilig sa pananahi ng damit at kapag natutunan ay maaring makapagtaguyod ng ikabubuhay ng isang pamilya. Ang mga factories, dress shops, couturiers, fashion designers, pattern makers at sewers ay nangangailangan ng mag-aaral o natapos ng dressmaking at High Speed Sewing Machine Operation.

Paglilingkod at pagpapagaling ng mga sakit sa iba’t ibang bahagi ng katawan ang hangarin ng nagpapakadalubhasa sa acupressure massage. Bukod sa siguradong hanapbuhay, ang kaalaman sa Reflexology ay higit na nakakatulong sa kapwa.

Ang sining ng pagpapaganda ay madaling matutunan at magaling sa pagkakitaan sa pamamagitan ng isang gunting, isang suklay, kaunting tiyaga at malalim na hangaring umunlad.

Ang mga trainees ay tinuturuan ng wastong pag-uugali sa Gawain, kasamahan, komunidad at sa Maykapal. Inuugit din ang pagmamahal sa sarili, sa napiling trabaho at pakiki-halubilo sa kapwa. Tinuturuan din sila na irespeto ang nakatatas at pagtupad sa alituntunin at batas.